因為會減低營養成分，游離糖增加！
榨汁機高速轉動榨汁嘅過程會令到水果裡面嘅維生素C氧化，如果仲要過濾嘅話，膳食纖維都會更加流失。另外，植物細胞壁被破壞咗之後，裡面嘅內源性糖會被釋放變成游離糖，食咗之後會引起更大嘅血糖波動，更容易導致脂肪積累。榨汁之後更加難以控制份量，令你唔知唔覺之中熱量超標。營養效能降低、游離糖增加、更難控制份量，所以減肥嘅時候真喺唔建議大家飲果汁！
咩係游離糖呢？
WHO（世界衛生組織）將游離糖定義為由生產商、廚師或者消費者喺食物中加嘅單糖同雙糖，例如常見嘅紅糖、黑糖、白砂糖、果糖、麥芽糖等；同埋天然存在於蜂蜜、糖漿、果汁同濃縮果汁裡面嘅糖分。但係唔包括新鮮水果裡面嘅糖、奶類裡面嘅乳糖同糧食同薯類裡面嘅澱粉。攝取過多嘅游離糖同蛀牙、超重同肥胖風險上升有關，因此WHO建議要終生限制游離糖嘅攝取，最好控制喺每日25克以內。
點樣食水果更有助減肥？
生食就喺最減肥嘅食水果方法！唔單止可以充分保留水果裡面嘅各種營養成分，而且可以最大程度地避免游離糖引起嘅血糖波動上升同脂肪積累風險增加，仲可以提供最強嘅飽腹感。
記住食新鮮水果唔好榨汁
咁就可以令你食到營養、滿足同唔會變肥！
文獻參考:
[2]中國居民膳食指南2022
תגובות